هەڵبژاردەی تۆپی پێی ئیسپانیای خوار تەمەنی 19 ساڵ توانی نازناوێكی تری یۆرۆ بخاتە سەر نازناوی یۆرۆی گەورەكانی وڵاتەكە كە سەرەتای ئەم مانگە بەدەستیان هێنا دوای ئەوەی لە یاری كۆتاییدا لە هەڵبژاردەی ئیتاڵیای بردەوە 4-0.
لاوانی ئیسپانیا توانییان باڵادەستیی خۆیان بەسەر تۆپی پێی كیشوەری پیردا بسەپێنن كاتێك توانییان یۆرۆی خوار 19 ساڵ ببەنەوە دوای ئەوەی لە یاری كۆتاییدا لە هەڵبژاردەی یۆنانیان بردەوە 1-0.
تاكە گۆڵی یارییەكە لە رێگەی یاریزان خیسی رۆدریگێز لە خولەكی 80ی یارییەكەدا تۆماركرا و بەوەش ئیسپانیا كۆنترۆڵكردنی تۆپی پێی لەلایەن خۆیەوە دووپاتكردەوە.
ئەوەی لە دەرەوەی دەستكەوتەكانە لە ئیسپانیا تازەپێگەیشتووانی كچانن، ئەمەش دوای ئەوەی ئەوانیش گەیشتنە یاری كۆتایی یۆرۆی تازەپێگەیشتووانی كچان و وەلێ بە گۆڵێكی بێبەرامبەر یاری كۆتاییان بە هەڵبژاردەی سوێد دۆڕاند.