سیسك فابریگاسی یاریزانی هەڵبژاردەی ئیسپانیا و یانەی بەرشەلۆنەی ئیسپانی گوتی بەراوردكردنی من بە میسی كارێكی گەمژانەیە و دووپاتی كردەوە كە میسی باشترین یاریزانی جیهانە و كەس بەو بەراورد ناكرێ.
فابریگاس ئێستا لەگەڵ هەڵبژاردەی ئیسپانیا بەشداری یارییەكانی یۆرۆی 2012 دەكات لە ئۆكرانیا و پۆڵەندا و تا ئێستا توانیویەتی دوو گۆڵ بۆ هەڵبژاردەكەی تۆمار بكات.
فابریگاس گوتی نابێ بەهیچ شێوەیەك من بە میسی بەراورد بكرێم، چونكە ئەوە گەمژەییە، ئەوەی كە من دەیكەم تەنیا جێبەجێكردنی ئەوەیە كە راهێنەر لێم داوادەكات، هیچ پێویست نییە رۆڵی من لە هەڵبژاردەی ئیسپانیا بە رۆڵی میسییەوە لە هەڵبژاردەی ئەرجەنتین ببەسترێتەوە.
فابریگاس لەگەڵ هەڵبژاردەی ئیسپانیا سبەی چوارشەمە لە یاری پێش كۆتایی جامی نەتەوەكانی ئەوروپای 2012 بەرامبەر هەڵبژاردەی پورتوگال یاریدەكات.
ئەو یاریزانە گوتی میسی یاریزانێكی زۆر تایبەتە و من زۆر لە دواوەی ئەوم.