سەرچاوە رۆژنامەوانییەكان ئاشكرایان كرد كە یانەی مانچستەر یونایتدی ئینلگیزی هاتووەتە سەر هێڵ بۆ داواكردنی خۆردی ئەلبای بەرگریكەری لای راستی یانەی ڤالنسیای ئیسپانی.
هاتنە پێشەوەی یونایتد لە كاتێكدایە كە یانەی ڤالنسیا سوورە لەسەر رەتكردنەوەی هەموو ئەو دەستەوارانەی بۆ گرێبەستكردن لەگەڵ ئەو یاریزانە لەلایەن یانەی بەرشەلۆنەی ئیسپانییەوە پێشكەشی دەكرێت.
رۆژنامەی سپۆرتی ئیسپانی ئاشكرای كردووە كە دوا دەستەوارەی بەرشەلۆنە گەیشتووەتە 12 ملیۆن یۆرۆ و یانەی ڤالنسیا داوای 15 ملیۆن یۆرۆ دەكات بۆ دەستبەرداربوون لەو یاریزانە.
رۆژنامەكە ئاشكرای كردووە سێر ئەلێكس فێرگسۆنی راهێنەری مانچستەر یونایتد هاتووەتە سەر هێڵی ركابەری بۆ گرێبەستكردن لەگەڵ ئەو یاریزانە لە پێناو دۆزینەوەی یاریزانێكی گونجاو بۆ شوێنی پاتریس ئیڤرای بەرگریكەری لای راستی یانەكەی كە بەهۆی گەورەبوونی تەمەنییەوە ئاستی وەك پێویست نەبوو لە وەرزی رابردوودا.