رۆژنامەی سەندای تایمزی بەریتانی ئاشكرای كردووە یانەی تۆتنهام هۆتسپێری ئینگلیزی بە فرۆشیتنی لۆكا مۆدریچی ئەستێرەی یانەكەی بە یانەی ریال مەدریدی ئیسپانی رازی بووە، بەڵام گۆڕانكاری لە شێوازی فرۆشتنەكەدا كردووە.
بەپێی ئەو رۆژنامەیە یانە ئینگلیزییەكە داوای 25 ملیۆن یۆرۆ و نووری شاهینی یاریزانی ناوەڕاستی یانەی ریال مەدرید دەكات.
سەرچاوە رۆژنامەوانییەكان دووپاتی ئەوە دەكەنەوە كە مۆدریچ زۆر نزیكبووەتەوە لە ریال مەدرید و یانەی مانچستەر یونایتد لە پێشبڕكێی كڕینی ئەو یاریزانە چووەتە دەرەوە.
یانەی ریال مەدرید 35 ملیۆن یۆرۆی بۆ كڕینی مۆدریچ خستبووە بەردەستی بەرپرسانی تۆتنهام، بەڵام بەرپرسانی ئەو یانە ئینگلیزییە دەیانەوێ شاهین و 25 ملیۆن یۆرۆ وەربگرن.
نووری شاهین وەرزی رابردوو بە بڕی 10 ملیۆن یۆرۆ لە یانەی برووسیا دۆرتمۆندەوە پەیوەندی بە یانەی ریال مەدریدەوە كرد، بەهۆی پێكانەوە لە وەرزی یەكەمیدا ئامادەبوونێكی زۆری لەگەڵ یانەكەدا نەبوو.