دوێنێ میكی رۆكی یاریزانی تۆپی پێی ئیسپانی و یاریزانی پێشووی یانەی ریال بیتس لە تەمەنی 23 ساڵیدا كۆچی دوایی كرد دوای ئەوەی ماوەیەكی زۆر بەدەست نەخۆشی شێرپەنجەی حەوزەوە ناڵاندی.
ساڵی 2011 ئەو نەخۆشییە ئەو یاریزانەی ناچاركرد واز لە یاریكردن بێنێت.
میكی سەرەتای یاریكردنی لەگەڵ یانەی لیدا دەست پێكرد، بەرلەوەی بچێتە ریزی لاوانی یانەی لیڤەرپوول ئینگلیزی و لە تەمەنی 17 ساڵیدا بەشداری یارییەكی پێكهاتەی یەكەمی یانەی ناوبراوی كرد لە خولی یانە پاڵەوانەكانی ئەوروپا.
ئەو بەرگریكەرە بە شێوەی خواستن یاری بۆ یانەكانی ئۆڵدهام و خێرێس و قەرتاجنە كرد، بەرلەوەی ساڵی 2009 بچێتە یانەی ریال بیتس و لە ریزی دووەمی یانەكە یاری بكات كە دواتر پیپی میلی راهێنەری یانەكەی هەلی بەشداریكردنی لە ریزی یەكەمی یانەكە لە ئۆكتۆبەری 2010 دایە.
ئەو یاریزانە ساڵی رابردوو دوای بڵاوبوونەوەی نەخۆشییەكە بە جەستەیدا ناچار بوو واز لە یاریكردن بێنێت و هەرچەندە چەند نەشتەرگەرییەكی بۆكرا، بەڵام سەركەوتوو نەبوو.