یەكێتیی تۆپی پێی ئەڵمانیا بڕیاریدا پاداشتی یاریزانانی هەڵبژاردەكەی زیاد بكات دوای ئەوەی توانییان بگەنە یاری پێش كۆتایی پاڵەوانیەتییەكە.
یەكێتییەكە بڕیاریدا پاداشتی هەر یاریزانێكی بەشدار لە هەڵبژاردەكە بكاتە 130 هەزار دۆلار دوای ئەوەی گەیشتنە قۆناخی چوارگۆشەی زێڕین.
ئەگەر هەڵبژاردەی ئەڵمانیا نازناوەكە بباتەوە، هەر یاریزانێك بڕی 300 هەزار یۆرۆ پاداشت وەردەگرێت و ئەوە دەبێتە یەكەمین نازناوی هەڵبژاردەی ئەڵمانیا دوای ئەوەی نازناوی یۆرۆی 1996ی بردەوە.
ئەو پاداشتە كەم دەبێتەوە بۆ 150 هەزار یۆرۆ ئەگەر هەڵبژاردەكە یاری كۆتایی پاڵَەوانیەتییەكە بدۆڕێنێت وەك ئەوەی لە 2008 بەرامبەر ئیسپانیا دۆڕا 1-0.
پێشتر یەكێتیی تۆپی پێی ئەڵمانیا بڕی 250 هەزار یۆرۆی بۆ هەر یاریزانێكی هەڵبژاردەكە تەرخانكردبوو ئەگەر نازناوی مۆندیالی 2010 بەدەست بێنن، بەڵام بەدەستهێنانی پلەی سێیەم، پاداشتەكەی بۆ 100 هەزار یۆرۆ كەمكردەوە.