یانەی ڤالنسیای ئیسپانی ئاشكرای كرد كە گرێبەستی رۆبەرتۆ سۆلدادۆی هێرشبەری یانەكەی تا ساڵی 2017 نوێكردووەتەوە.
بەپێی راگەیەنراوی یانەی ناوبراو، گرێبەستی سۆلدادۆ لە 2014 كۆتایی دەهات.
سۆلدادۆ كە بۆخۆی پێگەیشتوو و دەرچووی فێرگەی یاریزانە لاوەكانی یانەی ریال مەدریدی ئیسپانییە ماوەی دوو ساڵە یاری بۆ یانەی ڤالنسیا دەكات و لەو ماوەیەدا 52 گۆڵی لە 94 یاریدا تۆمار كردووە.
مانوێل یۆرێنتی سەرۆكی یانەی ڤالنسیا ئاشكرای كرد كە یانەكەی پشت بە سۆلدادۆ دەبەستێت و یاریزانێكی سەرەكی دەبێت لە پێكهاتەی تیپەكە لە چەند وەرزی داهاتوودا.
سۆلدادۆ لە وەرزی رابردوودا 17 گۆڵی لە خولی ئیسپانی تۆمار كرد و شەشەمین گۆڵكەری خولەكە بوو.
بڕیاربوو سۆلدادۆ بەشداری یارییەكانی یۆرۆی 2012 بكات، بەڵام دیل بۆسكی لە پێكهاتەی هەڵبژاردەی ئیسپانیا دووی خستەوە.