داڤید تریزیگەی هێرشبەری فەرەنسی، توانی پێشەوایەتی یانەی ریڤەرپلەیتی ئەرجەنتینی بكات بۆ گەڕانەوە بۆ ریزی پلە یەكی ئەو وڵاتە، دوای ئەوەی لە كۆتایی وەرزی رابردوودا بۆ پلە دووی ئەو وڵاتە دابەزی.
تریزیگە لە دوا یاری یانەكەی لە خولی پلە دووی ئەرجەنتینی بەرامبەر یانەی مرانتی توانی گۆڵێك تۆمار بكات ویارییەكە 2-0 لە بەرژەوەندی تریزی گۆڵ و هاوڕێكانی كۆتایی پێهات و بەوەش یانەی ریڤەرپلەیت بۆ ریزی پلە یەكی ئەرجەنتینی گەڕایەوە.
ریڤەرپلەیت پێشتر 33 جار نازناوی خولی ئەرجەنتینی بەدەستهێناوە و ساڵی 1978 نازناوی جامی كویلمیسی بردووەتەوە.
تریزیگە لە كۆتایی وەرزی رابردووی ئەوروپادا پەیوەندی بە خولی تۆپی پێی ئەرجەنتینییەوە كرد و ئومێد دەكات لەو خولە بەردەوان بێت تا بەیەكجاری واز لە یاریكردن دێنێت.