یەكێك لەكۆمپانیا بەناوبانگەكانی جیهان لەبواری ئامار، لەڕاپۆڕتێكیدا سەبارەت بەیاریزانە بەشداربووەكانی جامی نەتەوەكانی ئەوروپا 2012ی ئۆكرانیا و پۆڵەندە ئەوەی ئاشكرا كرد، كە لەڕێژەی (25%)ی یاریزانەكانی ئەم پاڵەوانێتیە لەخولی ئینگلیزی یاری دەكەن ئەمەش ڕێژەیەكی زۆرە لەچاو خولەكانی تر، هەر لەهەمان ئاماردا خولی ئەڵمانیا لەپلەی دووەم دێت بەڕێژەی (12%) و خولی ئیسپانیا لەپلەی سێیەم دێت بەڕێژەی (9%).
لەجامی نەتەوەكانی ئەوروپا 367 یاریزان نوێنەرایەتی 16 هەڵبژاردەی ئەوروپی دەكەن، كە تیاییدا 86 یاریزان لەخولی ئینگلیزی یاری دەكەن و 45 یاریزان لەخولی ئەڵمانی یاری دەكەن و 33 یاریزان لەخولی ئیسپانی یاری دەكەن و 31 یاریزان لەخولی ئیتاڵی یاری دەكەن و 28 یاریزان لەخولی ڕووسی یاری دەكەن و 26 یاریزان لەخولی فەرەنسی یاری دەكەن.
لەلایەكی ترەوە هەر لەهەمان ئاماردا زۆربەی یاریزانەكانی جامی نەتەوەكانی ئەوروپا لەهەردوو یانەی ڕیال مەدرید و بایرن میونیخ یاری دەكەن، كاتێك 13 یاریزانی یانەی بایرن میونیخ لەڕیزی 5 هەڵبژاردەی ئەوروپا یاری دەكەن و 11 یاریزانی یانەی ڕیال مەدرید لەڕیزی 4 هەڵبژاردەی ئەوروپا یاری دەكەن، ئەمەش ڕیزبەندی یانەكانە.
1-بایرن میونیخ 13 یاریزان لەڕیزی 5 هەڵبژاردەی ئەوروپا یاری دەكەن.
2- ڕیال مەدرید 11 یاریزان لەڕیزی 4 هەڵبژاردەی ئەوروپا یاری دەكەن.
3- ئەرسناڵ 9 یاریزان لەڕیزی 7 هەڵبژاردەی ئەوروپا یاری دەكەن.
4- بەرشلۆنە 8 یاریزان لەڕیزی 2 هەڵبژاردەی ئەوروپا یاری دەكەن.
5- مانچستەر سیتی 8 یاریزان لەڕیزی 5 هەڵبژاردەی ئەوروپا یاری دەكەن.
6-لیڤەرپوول 8 یاریزان لەڕیزی 4 هەڵبژاردەی ئەوروپا یاری دەكەن.
7-بروسیا دۆرتموند 8 یاریزان لەڕیزی 3 هەڵبژاردەی ئەوروپا یاری دەكەن.
8-چێڵسی 7 یاریزان لەڕیزی 5 هەڵبژاردەی ئەوروپا یاری دەكەن.
9- یۆڤانتوس 7 یاریزان لەڕیزی 1 هەڵبژاردەی ئەوروپا یاری دەكەن.
10-میلان 7 یاریزان لەڕیزی 4 هەڵبژاردەی ئەوروپا یاری دەكەن.
11- مانچستەر یۆنایتد 7 یاریزان لەڕیزی 4 هەڵبژاردەی ئەوروپا یاری دەكەن.
12- دینامۆ كییڤ 7 یاریزان لەڕیزی 2 هەڵبژاردەی ئەوروپا یاری دەكەن.
جێگەی باسە چەندین یاریزانی تر لەخولەكانی تری ئەوروپا یاری دەكەن وەكو ڕووسی و پۆڵەندی و چیك و كۆماری ئێرلەندە و...تاد، بەڵام بەپێویستمان زانی بەكورتی باسی ئەم یاریزانانە بكەین.