بەرپرسانی یانەی مەلەگەی ئیسپانی دەستیان بە پەیوەندیكردن بە بەرپرسانی یانەی مانچستەر یونایتدی ئینگلیزییەوە كردووە بۆ گرێبەستكردن لەگەڵ دیمیتار برباتۆڤی هێرشبەری بولگاری لە ماوەی گواستنەوەی هاوینەی ئەمساڵدا.
رۆژنامەی دەیلی میلی بەریتانی ئاشكرای كردووە كە یانەی مانچستەر یونایتد نزیكە لەوەی رازی بێت بە فرۆشتنی برباتۆڤی 31 ساڵ، ئەمەش بە نیازی شوێنكردنەوە بۆ كلاس یان هۆنتلاری هێرشبەری یانەی شالكەی ئەڵمانی كە مانچستەر یونایتد دەیەویێ پەلكێشی ریزەكانی خۆی بكات.
یانەی مەلەگە دەیەوێ گرێبەست لەگەڵ هێرشبەرێكی گەورە و بە ئەزمووندا بكات بەر لەوەی بەشداری لە خولی یانە پاڵەوانەكانی ئەوروپادا بكات لە وەرزی داهاتوودا، بە تایبەت كە رۆد ڤان نیستەلرۆی هێرشبەری یانەكە وازی لە یاریكردن هێنا.
برباتۆڤ لە 2008ەوە بۆ مانچستەر یونایتد یاری دەكات و بەهۆی دەركەوتن و درەوشانەوەی خافێر هێرناندێزی مەكسیكییەوە رێژەی بەشدارییەكانی ئەو كەمبووەتەوە.