یانەی چێڵسی لە خزمەتەكانی 4 یاریزانی سەرەكی بێبەش دەبێت لە یاری كۆتایی خولی یانە پاڵەوانەكانی ئەوروپا بەهۆی راگرتنەوە.
كاپتنی تیپەكە جۆن تێری ناتوانێ بەشداری یاری كۆتایی بكات بەهۆی وەرگرتنی كارتی سوور لە یارییەكەی بەرامبەر بەرشەلۆنە دوای ئەوەی بەبێ هۆ لە ئەلێكسیس سانچێزی یاریزانی بەرشەلۆنەی دا.
هەروەها هەریەك لە برانسلاڤ ئیڤانۆڤیجی بەرگریكەر و رائوول میریلیش و رامیرێس سانتۆسی یاریزانانی ناوەڕاست بەهۆی وەرگرتنی دوو كارتی زەردەوە لە قۆناخی پێش كۆتایی بەشداری یاری كۆتایی ناكەن كە دووەم جارە چێڵسی لە مێژووی خۆیدا دەیگاتێ.
چێڵسی لە یاری كۆتاییدا رووبەڕووی براوەی یاری نێوان ریال مەدرید و بایرن میوشن دەبێتەوە كە ئەمشەو لەسەر یاریگای سانتیاگۆ برنابیۆ بەیەك دەگەن.
بایرن میونشن یاری چوونی 2-1 بردووەتەوە.
یاری كۆتایی خولی یانە پاڵەوانەكانی ئەوروپا رۆژی 19ی مانگی داهاتوو لەسەر یاریگای ئەلیانز ئەرینا لە شاری میونشنی ئەڵمانی ئەنجام دەدرێت.