والكۆت بە 20 ملیۆن پاوەند پەیوەندی بە چێڵسییەوە دەكات
رۆژنامەكان گوتیان تیۆ والكۆتی ئەستێرەی یانەی ئەرسناڵ لە ماوەی گواستنەوەی هاوینەی داهاتوودا دەچێتە ریزی بلووز و ئێستا زۆر نزیك بووەتەوە لە پەیوەندیكردن بەو یانەیەوە و یانەی چێڵسی ئامادەیە پارەیەكی باش بە كڕینی ئەو یاریزانە بدات.
رۆژنامەكان لە زاری سەرچاوە ئاشكرا نەكراوەكانیان گواستەوە والكۆت كە گرێبەستەكەی لە 2013 لەگەڵ ئەرسناڵ كۆتایی دێت، هاوینی داهاتوو ریزی ئەو یانەیە جێدەهێڵێت و یانەكەی لە بەرامبەر دەستبەرداربوون لەو یاریزانە بڕی 20 ملیۆن یۆرۆی دەست دەكەوێت.
ئەرسناڵ وەرزی رابردوو هەریەك لە سەمیر نەسری و سیسك فابریگاسی لەدەستدا و دوور نییە لە هاوینی ئەمساڵیشدا بەهۆی بەدەست نەهێنانی هیچ نازناوێك، چەند یاریزانێكی تر لە دەست بدات.
