رۆبن ڤان پێرسی هێرشبەری هۆڵەندی خەڵاتی یەكێتیی یاریزانە پیشەگەرەكانی ئینگلتەرای بۆ باشترین یاریزانی ساڵ بەدەست هێنا دوای ئەوەی 27 گۆڵی لە وەرزی ئەمساڵدا تۆمار كرد.
ڤان پێرسی 28 ساڵ، سەرووی لیستی گۆڵكارانی خولەكەی گرت و رۆڵی گەورەی هەبوو لە سەركەوتنی ئەرسناڵ بۆ پلەی سێیەمی ریزبەندی خولەكە لەگەڵ ئەوەی تەنیا 3 هەفتە ماوە بۆ كۆتاییهاتنی وەرزی ئەمساڵ.
لەو كاتەوەی لە ساڵی 2004 ڤان پێرسی پەیوەندی بە یانەی ئەرسناڵەوە كردووە، ئەو یانەیە تەنیا یەك نازناوی جامی یەكێتیی ئینگلتەرای بەدەست هێناوە.
ڤان پێرسی بووە سێیەم هۆڵەندی ئەو نازناوە بەدەست بێنێت دوای دینیس بێرگكامپ لە 1998 و رۆد ڤان نیستەلڕۆی لە 2002 و ئەو یەكەمین یاریزانە لە ئەرسناڵ لە دوای تێری هێنری لە 2004 ئەو نازناوە بەدەست دێنێت.
ركابەرەكانی ڤان پێرسی لە وەرزی ئەمساڵدا بریتی بوون لە واین روونی هێرشبەری مانچستەر یونایتد و سكۆت پاركەری یاریزانی تۆتنهام هۆتسپێر و هەریەك لە جۆ هارت و دیڤید سیلڤا و سێرجیۆ ئەگویرێ لە یانەی مانچستەر ستی.