سێر ئەلێكس فێرگسۆنی راهێنەری یانەی مانچستەر یونایتدی ئینگلیزی گوتی یاریی یانەكەم بەرامبەر مانچستەر ستی ركابەر و دراوسێ، چارەنووسی نازناوی خولی ئینگلیزی دیاری دەكات لە وەرزی ئەمساڵدا.
دوای یەكسان بوونی یونایتد بەرامبەر ئیڤەرتۆن بە 4-4 و بردنەوەی ستی لە ولڤەرهامبتۆن 2-0 ئێستا یونایتد تەنیا 3 خاڵ لە پێش ستییەوەیە و لەسەرەتای هەفتەی داهاتوودا ئەو دوو یانەیە رووبەڕووی یەك دەبنەوە.
فێرگسۆن لە لێدوانی بۆ تۆڕی سكای سپۆرت گوتی بەدەستی خۆمان ستیمان بۆ ركابەریكردن لەسەر نازناوەكە زیندوو كردەوە، ئەمە چێژێكی تایبەت دەداتە یارییەكەی یاریگای ئیمارات و چارەنووسی نازناوی خولەكە دیاری دەكات كە بۆ كێ دەبێت.
راهێنەرە قاڵەكە هەروەها گوتی دەچینە ئەوێ و دەزانین توانای بەدەستهێنانی ئەنجامێكی باشمان هەیە، هیچ شتێك نییە رێگر بێت لە بەردەمماندا بۆ بەدەستهێنانی بردنەوە و یەكلاكردنەوەی نازناوی وەرزی ئەمساڵ، یارییەكی گەورەی دێربی دەبێت و دەبێ بیبەینەوە.