ڤیكتۆر ڤاڵدێزی گۆڵچی یانەی بەرشەلۆنەی ئیسپانی دوای دۆڕانی تیپەكەی بەرامبەر چێڵسی ئینگلیزی لە یاری پێش كۆتایی خولی یانە پاڵەوانەكانی ئەوروپا گوتی لە یاریگای خۆماندا تۆڵە دەكەینەوە.
ڤاڵدێز گوتی بە شێوەیەكی باش یاریمان كرد و چەندین هەلمان بۆ رەخسا، دەبێ دۆخی خۆمان باش هەڵسەنگێنین.
هەروەها گوتی هەلی سەركەوتنمان بۆ یاری كۆتایی زۆرە، لە نێو نوكامپدا بە ناچاری هەر دەبێ ببینەوە، چونكە تەنیا ئەو هەڵبژاردەیەمان لەبەردەستدایە.
ڤاڵدێز داوای لە هاوڕێكانی كرد بە شێوەیەكی كاتی چێڵسی لە بیر خۆیان ببەنەوە و چاوبدەنە سەر یاری شەمەی داهاتوو كە یاری كلاسیكۆیە بەرامبەر ریال مەدرید.