وەكو پرۆگرامی ساڵانەی خۆی بەمەبەستی زیاتر خزمەتكردنی ڕەوەتی وەرزشی لەسنووری پەروەردەی خەبات، بەشی چالاكی وەرزشی و دیدەوانی پەروەردەی خەبات لەسەر یاریگای یانەی خەبات لەژێر چاودێری قایمقامی قەزای خەبات و بەئامادەبوونی هەریەك لەمامۆستایان بورهان ئەرگوشی بەڕێوەبەری گشتی دیوان و بەكر كەریم بەڕێوەبەری پەروەردەی گشتی و عومەر حەمەد بەڕێوەبەری پەروەردەی خەبات و ژمارەیەكی زۆر لەسەرپەرشتیاران و مامۆستایان و هاندەرانی فیستیڤاڵی ساڵانەی قوتابخانەكانی سنووری قەزای خەبات بەڕێوەچوو، كە زیاتر لە70 قوتابخانەی سنووری پەروەردەی خەبات بەشداریان كردبوو، سەرەتای فیستیڤاڵەكەش بەخولەكێك وەستان بۆگیانی پاكی شەهیدان و دواتریش ڕۆیشتنی قوتابیانی قوتابخانەكان و خواردنی سوێندی وەرزشی لەلایەن قوتابیان، دوای ئەوەش قوتابیانی قوتابخانەكان لەهەردوو ئاستی كچان و كوڕان ململانێیەكانیان درێژەی هەبوو تاكو درەنگانی شەو ململانێیان دەكرد لەسەر بەدەستهێنانی میدالیاكان لەكێبركێیەكانی یارییەكانی گۆڕەپان و مەیدان.