یەلدریم دیمیرۆرینی سەرۆكی یەكێتیی تۆپی پێی توركیا بە فەرمی داواكاری وڵاتەكەی بۆ میوانداریكردنی یۆرۆی 2020 ئاشكرا كرد.
لە بڵاوكراوەیەكدا كە بەناوی ئەو سەرۆكەوە بڵاوكراوەتەوە هاتووە كە لە بارەگای یەكێتیی تۆپی پێی ئەوروپی توركیا دۆسیەی میوانداریكردنی یۆرۆی 2020ی خستووەتە بەردەم بەرپرسانی یەكێتییە ئەوروپییەكە.
پێشتر توركیا داوای میوانداریكردنی یۆرۆی 2016ی كردبوو، بەڵام ئەو مافەی لە بەرامبەر فەرەنسادا دۆڕند.
پێشتر ئەردۆگانی سەرۆكوەزیرانی توركیا ویستی وڵاتەكەی بۆ ئەو كارە ئاشكرا كرد كاتێك رایگەیاند كە توركیا لە ئایندەیەكی نزیكدا 18 یاریگای نوێ دروست دەكات.
بڕیارە لە كۆتایی 2013 و سەرەتای 2014 ناوی وڵاتی رێكخەری یۆرۆی 2020 ئاشكرا بكرێت.