ئارسن ڤینگەری راهێنەری یانەی ئەرسناڵی ئینگلیزی ئاشكرای كرد كە جاك وێلشێری یاریزانی گەنجی یانەكە، توانای بەشداریكردن لە پاڵەوانیەتیی یۆرۆی 2012ی نییە، بەهۆی پێكان لە پاژنەی پێیدا.
مێلشێری تەمەن 20 ساڵ ئەمساڵ بەشداری هیچ یارییەكی خولی ئینگلیزی لەگەڵ یانەی ئەرسناڵدا نەكردووە.
ڤینگەر دوای دۆڕانی تیپەكەی بە یانەی ویگان بە ئەنجامی 2-1، لە كۆنگرەیەكی رۆژنامەنووسیدا گوتی هیچ ئومێدێك نابینم بۆ ئەوەی ویڵشێری گەنج بتوانێ بەشداری لە یۆرۆی 2012 بكات كە هاوینی داهاتوو لە پۆڵەندا و ئۆكرانیا رێكدەخرێت.
ڤینگەر گوتی وێلشێر ئەمساڵ ناتوانێ قاچی بەر تۆپ بكەوێت، ئەو بەشداری لە پاڵەوانیەتیی یۆرۆدا ناكات، لەبەرئەوەی ئامادە نابێت تا ئەوكات، یەكێتیی تۆپی پێی ئینگلتەرا دەزانێ پێكانەكەی جاك مەترسیدارە.
وێلشێر بەشداری لە 5 یاری نێودەوڵەتی هەڵبژاردەی ئینگلتەرای كردووە كە یەكەمین یاری لە 2010 بوو.