یەكێتیی یاریزانە پیشەگەرەكانی ئینگلتەرا ناوی سێرجیۆ ئەگوێرۆی وەك پاڵێوراوی سەرەكی دەست نیشانكردووە بۆ وەرگرتنی نازناوی باشترین یاریزانی ساڵ و باشترین یاریزانی گەنج. بەڵام وەك سەرچاوەكان دەڵێن تەنیا ئەگوێرۆ پاڵێوراوی ئەو نازناوە نابێت و چەندین یاریزانی تر ركابەری دەكەن كە ئەوانیش وەرزێكی نموونەییان پێشكەش كردووە لەگەڵ یانەكانیان، لەوانەش واین روونی و رۆبن ڤان پێرسی و جۆ هارت و سكۆت پاركەر و داڤید سیلڤا.
پێشبینییەكان بەلای ئەوەدا دەچن كە رۆبن ڤان پێرسی نازناوی باشترین یاریزان بباتەوە لەبەرئەوەی تا ئێستا 27 گۆڵی لە وەرزی ئەمساڵدا تۆمار كردووە و بەوەش پێشەوایەتی یانەكەی كردووە بۆ ئەوەی پلەی سێیەمی خولەكە بەدەست بێنێت.
ركابەری سەرەكی یان داڤید سیلڤا دەبێت كە 13 گۆڵی دروستكردووە یان واین روونی كە 23 گۆڵی تۆمار كردووە و یانەكەی ئێستا پێشەنگی خولەكەی گرتووە.
هەریەك لە سێرجیۆ ئەگوێرۆ، ۆلكەر، ئەلیكس چامبەرلین، دانیال ستۆریج و دانی ویلباك پاڵێوراوی سەرەكین بۆ نازناوی باشترین یاریزانی لاوی ساڵ.