بەسەرپەرشتی یەكێتی لاوانی دیموكراتی كوردستان و بە بەشداری هەشت تیپ خولی ڕاپەرین بۆ تیپە پاڵەوانەكانی خولی بارزانی نەمر ئەنجامدرا، دوای ئەنجامدانی چەندین یاری كە بۆماوەی زیاتر لەدوو هەفتەی خایاند و سەرئەنجامیش هەر دوو تیپی هەولێر و سەفین گەیشتنە یاری كۆتایی، لەسەر یاریگای یانەی هەندرێن بە ئامادە بوونی هەریەك لەعیماد ئەحمەد جێگری سەرۆكی حكومەتی هەرێمی كوردستان و پارێزگاری هەولێر و بەرپرسی لقی دوو و ئیدریس نێچیرڤان بارزانی و سكرتێری یەكێتی لاوانی دیموكراتی كوردستان و ژمارەیەكی زۆری هاندەران یاری كۆتایی لەنێوان هەردوو تیپی هەولێر و سەفین ئەنجامدرا، لە یارییەكی ئاست بەرزدا هەردوو تیپ بەبێ گۆڵ یەكسان بوون دواتر بە لێدانی سزای یەكلا كەرەوە تیپی لاوانی هەولێر بووە پاڵەوانی خولەكە دوای ئەوەی یارییەكەی بە ئەنجامی (3-2)گۆڵ بردەوە، دواتریش لایەن ئامادەبووان بۆیەكمجار مەدالیای زێڕ و زیو و بڕۆنز بەسەر تیپە سەركەوتووەكان دابەشكرا.