ساندرۆ رۆسێلی سەرۆكی یانەی بەرشەلۆنەی ئیسپانی رەتی قسەكانی پیپ گواردیۆلای راهێنەری یانەكەی دایەوە و دووپاتی كردەوە تیپەكەی لە وەرزی ئەمساڵدا نازناوی خولی ئیسپانی دەباتەوە.
رۆسێل لە كاتی پێشكەشكردنی كتێبێكدا بە ناونیشانی دوو رێگا كە بەرشەلۆنە بۆیان دەژی و هەردوو رۆژنامەنووس ماریۆس كارۆل و كارلۆس ریسكاش نووسیویانە گوتی من لە ریسكاش گەشبینترم لەبارەی وەرزی ئەمساڵەوە.
لە وەڵامی پرسیارێكدا لەبارەی مانای گەشبینییەكەیەوە سەرۆكی بەرشەلۆنە گوتی توانای ئەوەمان هەیە ئەمساڵیش 3 نازناو ببەینەوە، بۆچی ناتوانین ئەوە بكەین لە كاتێكدا ئێستا لە هەموو كات زیاتر ئامادەین بۆ ئەو كارە، دڵنیام ئەمساڵ 3 نازناوی خول و جامی ئیسپانیا و خولی یانە پاڵەوانەكانی ئەوروپا بۆ بەرشەلۆنەیە.
پێشتر گواریۆلا ئاشكرای كردبوو گەشبین نییە بەوەی یانەكەی بتوانێ نازناوی خولی ئیسپانی بباتەوە.
دوێنێ شەو جیاوازی خاڵەكانی نێوان ریال مەدریدی پێشەنگی خولی ئیسپانی و بەرشەلۆنەی دووەم بۆ تەنیا یەك خاڵ كەم بووەوە دوای ئەوەی بەرشەلۆنە توانی 4-0 لە یانەی گیتافی بباتەوە.