دوور لە كێشە زۆر و هەمەجۆرەكانی و رووداوەكانی دەرەوەی یاریگا، ماریۆ بالۆتێلی هێرشبەری یانەی مانچستەر ستی ئینگلیزی ناوی چووە نێو مێژووی تۆپی پێی ئینگلیزییەوە، ئەمەش بەهۆی ئەو كارتە سوورانەوەی لە ماوەی یاریكردنیدا لەو خولە وەریگرتووە.
سوپەر ماریۆ لە یاری یانەكەی بەرامبەر ئەرسناڵ كە 1-0 لە بەرژەوەندی یانە لەندەنییەكە كۆتایی هات، دوا كارتی سووری خۆی وەرگرت و ئەوە چوارەمین كارتی سوورە ئەو یاریزانە لە ماوەی وەرزی ئەمساڵدا وەریدەگرێت لە كاتێكدا ئەو هێرشبەرە.
بەو دۆڕانە یانەی مانچستەر ستی ئومێدی بە بردنەوەی نازناوی خولی ئینگلیزی بەرادەیەكی زۆر لەدەستدا دوای ئەوەی جیاوازی خاڵەكانی لەگەڵ مانچستەر یونایتد بووە 8 خاڵ.
بالۆتێلی بەو كارتە سوورە بووە خاوەنی بەرزترین رێژەی كارت لە خولی ئینگلیزیدا و پێش هەریەك لە دۆنكان فێرگسۆن و پاتریك ڤێرا و رۆی كین كەوت كە لە هەر 13 یاریدا كارتێكی سووریان وەرگرتوە لە كاتێكدا بالۆتێلی لە 12 یاریدا كارتێك وەردەگرێت.