وادیارە تێری هێنری ئەستێرەی قاڵی فەرەنسی و هێرشبەری یانەی نیویۆرك رید بۆڵز نازناوی یاریزانی هەفتەی لە خولی ئەمەریكی بۆ تۆپی پێ داگیر كردووە دوای ئەوەی ئەم هەفتە جارێكی تر ئەو نازناوەی بەدەست هێنایەوە.
هێنری 34 ساڵ بۆ جاری سێیەم لەسەر یەك بە باشترین یاریزانی هەفتەی خولی ئەمەریكی دەست نیشانكراو بەوەش بووە یەكەم یاریزان لە مێژووی ئەو خولەدا 3 جاری لەسەریەك ئەو نازناوە بەدەست بێنێت.
ئەستێرەكەی پێشووی یانەی ئەرسناڵی ئینگلیزی ئەركی تۆماركردنی گۆڵی سێیەم و چوارەمی یانەكەی گرتە ئەستۆ لەو یارییەدا كە تیپەكەی توانی 4-1 لە یانەی كۆلۆمبۆس كرۆ بباتەوە.
هێنری پلەی یەكەمی ریزبەندی گۆڵكەرانی خولەكەی بە 7 گۆڵ گرت و پلەی دووەمی باشترین گۆڵ دروستكەریشی بەدەست هێنا دوای ئەوەی تا ئێستا 4 گۆڵی بۆ هاوڕێكانی دروست كردووە.
ئەستێرە فەرەنسییەكە ئەوە سێیەمین وەرزیەتی لەگەڵ یانەی رید بۆڵز كە دوو ساڵ لەمەوپێش لە بەرشەلۆنەی ئیسپانییەوە پەیوەندی پێوە كرد.