ئەو یاریزانانەی هەڕەشەی بەشدارینەكردن لە یاری كلاسیكۆیان لەسەرە
هەردوو یانە تەنیا دوو یارییان بەر لە ئەنجامدانی كلاسیكۆ ماوە كە 21ی مانگ لە یاریگەی نوكامپ بەڕێوەدەچێت.
ئێستا ریال مەدرید 4 خاڵ لە پێش بەرشەلۆنەوەیە لە پێشەنگی ریزبەندی خولی ئیسپانی.
چەندین یاریزانی هەردوو یانە بەهۆی وەرگرتنی 4 كارتی سوورەوە هەڕەشەی بەشدارینەكردن لە كلاسیكۆیان لەسەرە ئەگەر لە دوو یاری داهاتوویاندا كارتی زەردی پێنجەم وەربگرن.
لە بەرشەلۆنە هەریەك لە ئەلێكسیس سانچێز و ڤیكتۆر ڤاڵدێز و سیدۆ كەیتا و تیاگۆ ئەلكانتارا خاوەنی 4 كارتی زەردن و تەنیا یەك كارتی تری زەرد لەوانەیە لە كلاسیكۆیان بێبەش بكات.
بەپێی سیستەمی خولی ئیسپانی ئەو یاریزانەی 5 كارتی زەرد وەربگرێت، لە یاری دواتردا بەشداری ناكات وەك سزایەكی بۆی.
لە ریال مەدرید هەریەك لە كریستیانۆ رۆناڵدۆ و چابی ئەلۆنسۆ و فابیۆ كۆنتراو هەمان هەڕەشەیان لەسەرە لەبەرئەوەی هەریەكەیان خاوەنی 4 كارتی زەردن.
