ریكاردۆ كاكای ئەستێرەی یانەی ریال مەدریدی ئیسپانی گوتی یارییەكەی بەرامبەر ڤالنسیا چارەنووسسازە.
ریال مەدرید لەسەر یاریگای خۆی سبەی یەكشەمە میوانداری یانەی ڤالنسیا دەكات كە پلەی سێیەمی هەیە و پێشبینی دەكرێ یارییەكی بەهێز بێت.
یارییەكە لە كاتێكدایە كە ریال مەدرید تەنیا 6 خاڵ لە پێشەوەی بەرشەلۆنەیە لە ریزبەندی خولی ئینگلیزی و كەوتنی ریال مەدرید لەو یارییەدا زۆرهاوكێشە ئاوەژوو دەكاتەوە.
كاكا گوتی دەبێت تەنیا بیر لە یارییەكەی بەرامبەر ڤالنسیا بكەینەوە، ئەوە یارییەكی گرنگ و چارەنووسسازە و دەتوانێ بمانباتە دۆخێكی زۆر باشەوە و دەشتوانێ تووشی كێشەی زۆرمان بكات.
هەروەها گوتی ئەوە گرنگترین یارییە بۆ ئێمە، لەبەرئەوەی ئێمە لە پێشەنگی خولی ئیسپانیداین و 6 خاڵمان لەگەڵ بەرشەلۆنە نێوانە، بێگومان نامانەوێ ئەو 6 خاڵەمان لە دەست بچێت.