جیریمی ماتیۆی بەرگریكەری یانەی ڤالنسیای ئیسپانی گوتی بردنەوەی نازناوی خولی یۆرۆلیگ گەورەترین ئامانجی وەرزی ئەمساڵی یانەكەیەتی.
ئەو یاریزانە فەرەنسییە بۆ رۆژنامەنووسان گوتی بردنەوەی نازناوی خولی ئەوروپی هیچی لە بردنەوەی خولی ئیسپانی كەمتر نییە، بە تایبەت كە ئێمە دەمانەوێ ئەمساڵ لە پلەی سێیەمدا بین و وەرزی داهاتوو لە خولی یانە پاڵەوانەكانی ئەوروپا یاری بكەین، لەبەرئەوە ئێمە هەموو هەوڵی خۆمان بۆ ئەوە دەخەینە گەڕ.
هەروەها گوتی شتێكی باش نەبوو كە بە ئەلكماری هۆڵەندی دۆڕاین لە یاری پێشووی خولە ئەوروپییە بە ئەنجامی 2-1، بەڵام گرنگ بوو گۆڵێكمان كرد و ئەوەش هانمان دەدات بۆ ئەوەی یاریی گەڕانەوە ببەینەوە و بگەینە چوارگۆشەی زێڕینی پاڵەوانیەتییەكە.
هەروەها گوتی لە مێستایا بە عەقڵێكی هێرشبەرانە یاری دەكەین و سەركەوتن ئامانجمانە، چونكە ئێمە بیر لە یاری كۆتایی دەكەینەوە، لەبەرئەوە دەتوانین شكست بە ئەلكمار بێنین.