یانەی ریال مەدریدی ئیسپانی ئاشكرای كرد تیپی یەكەمی یانەكە دوای سەركەوتنی بەسەر یانەی ئۆسەسۆنا بە ئەنجامی 5-1 گەیشتە بردنەوەی ژمارە 1500ی لە مێژووی بەشداریكردنی لە یارییەكانی خولی ئیسپانی.
یانەكە روونی كردەوە بەدەستهێنانی ئەو ژمارە بردنەوەیە دەستكەوتە.
لە مێژووی خۆیدا ریال مەدرید هەر لە خولی پلە یەكی ئیسپانی یاری كردووە و لەو ماوەیەدا 81 وەرز بەشداری ئەو خولەی كردووە و 5385 گۆڵی تۆمار كردووە لە 2564 یاریدا.
ریال مەدرید 981 بردنەوەی لەسەر یاریگای خۆی و 519 بردنەوەی لە دەرەوەی یاریگای خۆیدا بەدەست هێناوە.
كوڕەكانی مۆرینۆ بە بردنەوەی لە ئۆسەسۆنا گەیشتنە بردنەوەی ژمارە 25 لە وەرزی ئەمساڵدا و لە هەمان یاریدا گۆڵی ژمارە 100 یان لە وەرزی ئەمساڵدا تۆمار كرد و كۆی خاڵەكانی یانەكە لە پێشەنگی خولی ئیسپانیدا بووە 78 خاڵ بە جیاوازی 6 خاڵ لە بەرشەلۆنەی دووەمی ریزبەندییەكە.