رۆژنامەی میرۆری ئینگلیزی ئاشكرای كرد یانەی مانچستەر یونایتد نزیكە لە گرێبەستكردن لەگەڵ ئاریان رۆبنی ئەستێرەی یانەی بایرن میونشنی ئەڵمانی.
ناوی رۆبن ئێستا زۆر بە ناوی مانچستەرەوە دەبەسترێتەوە، ئەمەش لەبەرئەوەی وەك رۆژنامەكان باسی دەكەن ناكۆكییەكی زۆر لە نێوان ئەو یاریزانە هۆڵەندییە و یۆب هاینكسی راهێنەری یانەكەدا هەیە.
لە چەند هەفتەی پێشوودا رۆبن رووبەڕووی پشتگوێ خستنێكی زۆر بووەوە لەلایەن هاینكسەوە، بە تایبەت كە رۆبن بۆ چەندین یاری لەسەر كورسی یەدەگی یانەكە دەبینرا و بەشداری یارییەكانی نەدەكرد.
رۆبن یەك لە دیارترین یاریزانانی یانەی بایرن میونشنە و یەكێكە لەو یاریزانانەی كە سێر ئەلێكس فێرگسۆنی راهێنەری یانەی یونایتد هەوڵی زۆر بۆ كڕینی دەدات، و پێشتر ئەو راهێنەرە چەندین جار دووپاتی كردووەتەوە كە ئومێدی ئەوە دەكات رۆبن لە یانەكەیدا ببینێت.