رۆبەرتۆ مانچینی راهێنەری یانەی مانچستەر ستی ئینگلیزی دووپاتی كردەوە تیپەكەی هێشتا ئومێدی بردنەوەی نازناوی خولی ئینگلیزی هەیە وێڕای ئەوەی دوێنێ لەگەڵ یانەی سەندەرلاند لەسەر یاریگای خۆی 3-3 یەكسان بوو.
مانچینی 8 یاریمان ماوە و ئەگەر مان یونایتد دوو یەكسان بوونی هەبێت ئێمە دەبینە پاڵەوانی وەرزی ئەمساڵ لەبەرئەوە هێشتا هەلی بردنەوەی نازناوەكەمان لەدەست نەداوە و هەموو هەوڵی خۆمان بۆ ئەوە دەخەینە گەڕ.
سیتی ژمارەی خاڵەكانی گەیاندە 71 خاڵ لە پلەی دووەمی ریزبەندی خولەكە و دوو خاڵ لە دواوەی مان یونایتدەوەیە كە سبەی بەرامبەر بلاكبێرن یاری دەكات.
مانچینی تووڕەیی خۆی لە ئاستی تیپەكەی دەربڕی و گوتی دەمانتوانی زۆر باشتر لەوەی كردمان یاری بكەین، بە شێوەیەكی خراپ بەرگریمان كرد و هەڵەی زۆرمان كرد، بەرگریمان لە دۆخێكی خراپدا بوو و زۆری نەمابوو دوچاری دۆڕان ببینەوە.