میشیل پلاتینی سەرۆكی یەكێتیی تۆپی پێی ئەوروپا توڕەییەكی زۆری لە قسەكانی ریچارد ێفی سەرۆكی یەكێتی خولی ئینگلیزی پێشان دا كە گوتبوی لە ئینگلتەرا تۆپی پێ دزاروە.
پلاتینی لە كۆنگرەیەكی رۆژنامەنووسیدا گوتی ئەوەی ریچارد گوتی چاوەڕێ نەكراو بوو، لەبەرئەوەی من ئەو باش دەناسم و ئەو ئێمەی تۆمەتبار كرد بەوەی تۆپی پێمان لە ئینگلتەرا دزیوە و ئەوەش لە رێگەی هەندێك چەتەوە كراوە، بەڵام من چەتە نیم لە یەكێتیی تۆپی پێی ئەوروپادا و ئینگلتەرا وڵاتێكی خاوەن رێزە و شتی زۆر گەورەی پێشكەشی تۆپی پێ كردووە.
هەروەها گوتی تۆپی پێ موڵكی هیچ كەسێك نییە و موڵكی هەموو جیهانە، من دەمەوێ سوپاسی ئینگلتەرا بكەم بۆ ئەوەی پێشكەشی جیهانی كردووە.
پێشتر سەرۆكی یەكێتیی خولی ئینگلیزی رەخنەی توندی لە هەردوو یەكێتی تۆپی پێی ئەوروپا و یەكێتی تۆپی پێی نێودەوڵەتی گرت و تۆمەتباری كردن بەوەی تۆپی پێیان لە ئینگلتەرا دزیوە و گوتبووی ئینگلتەرا تۆپی پێی داهێناوە و زۆر شتی پێشكەش كردووە، ئێمە بنەماكانی ئەو یارییەمان دارشتووە، بەڵام دوای 50 ساڵ لەلایەن چەتەكانی یەكێتی تۆپی پێی ئەوروپییەوە ئەو داهێنانەمان لێدزرا.