رۆژنامەكانی ئینگلتەرا ئاشكرایان كرد هاری ریدناپی راهێنەری یانەی تۆتنهام هۆتسپێری ئینگلیزی هەوڵی زۆر دەدات بۆ كڕینی ئیدین هازاری ئەستێرەی یانەی لیلی فەرەنسی.
رۆژنامەی دەیلی میرۆر ئاشكرای كرد ئەم بڕە پارەیە دوو هێندەی ئەو بڕەیە كە دوو ساڵ لەمەوپێش یانەكە بۆ كڕینی دیڤید بینتلی خەرجی كرد.
پێشتر ریدناپ پەسنی تواناكانی هازاردی كرد و گوتی یانەكەم بایەخی زۆر بە كڕینی ئەو یاریزانە دەدات و ئامادەیە پارەیەكی زۆر لە كڕینیدا خەرج بكات.
ریدناپ هەروەها گوتی ئەگەر تۆتنهام بیەوێ لە چەند ساڵی داهاتوودا لە ریزی چوار یانە گەورەكەی ئینگلتەرادا بمێنێتەوە، پێویستە هازار بكڕێت.
لە سەرەتای ئەم هەفتەیەدا هازار لە لێدوانێكی تەلەڤزیۆنیدا گوتی بێگومان تا كۆتایی ئەم وەرزە لە لیل دەمێنەوە و دوای ئەوە حەزم لە یاریكردنە لە خولی ئینگلیزی چونكە بە شێوازی یاریكردنی خولەكە سەرسامم.
هازارد یەك لە یاریزانە بەهرەمەندەكانی ئێستای ئەوروپایە و مایەی سەرنجی زۆر یانەیە.