فابیۆ كاپیلۆی راهێنەری ئیتاڵی پەشیمانی خۆی لەوە دەربڕی كە كاتی خۆی گرێبەستی لەگەڵ لیۆنێل میسی ئەستێرەی ئەرجەنتینیدا نەكردووە.
رۆژنامەی سەنی ئینگلیزی لێدوانی كاپیلۆی بڵاوكردەوە كە پەشیمان لەوەی ئەو كاتەی راهێنەری یانەی یۆڤنتۆسی ئیتاڵی بووە گرێبەستی لەگەڵ میسیدا نەكردووە.
كاپیلۆ دەڵێ ئەو كات یارییەكمان بەرامبەر بەرشەلۆنە ئەنجامدا كە میسیش یاری دەكرد و ئەوكات تەمەنی 16 ساڵ بوو و ئەو كات ویستم گرێبەستی لەگەڵدا بكەم، بەڵام بەهۆی رێوشوێنی گرێبەستكردن لەگەڵ یاریزانانەوە تووشی كێشە بووم و نەمتوانی ئەو كارە بكەم.
هەروەها گوتی دوای ئەوە هەوڵمدا بە شێوەی خواستن میسی ببەمە یۆڤی، بەڵام ریكاردی راهێنەری ئەوكاتی یانەكە بەوە رازی نەبوو.