یانەی ئەرسناڵی ئینگلیزی گەیشتە رێكەوتنی كۆتایی لەگەڵ یانەی كۆلنی ئەڵمانی بۆ گواستنەوەی لۆكاس پۆدۆڵسكی هێرشبەری بۆ ریزەكانی یانە ئینگلیزییەكە.
رۆژنامەی بیڵدی ئەڵمانی ئاشكرای كرد هەردوو یانە رێكەوتوون پۆدۆڵسكی لە هاوینی ئەمساڵدا پەیوەندی بە یانەی ئەرسناڵەوە بكات بەرامبەر 13 ملیۆن یۆرۆ.
گرێبەستی پۆدۆڵسكی لەگەڵ یانەی كۆڵن لە 2013 كۆتایی دێت، بەڵام لە ماوەی رابردوودا ئەو یاریزانە ویستی زۆری بۆ رۆیشتن لە خولی ئەڵمانی دەربڕی.
بەپێی رۆژنامە ئەڵمانییەكە پۆدۆڵسكی بۆ ماوەی 4 ساڵ گرێبەست لەگەڵ ئەرسناڵدا دەكات.
پێشتر سەرچاوە رۆژنامەوانییەكان دووپاتیان كردبووەوە كە ئەو یاریزانە گرێبەستی لە یانەكانی لۆكۆمۆتیڤ و ئانجی رووسییەوە پێگەیشتووە بە مووچەیەكی ساڵانەی 12 ملیۆن یۆرۆیی، بەڵام ئەو رەتی كردووەتەوە.