رۆژنامەی زە سەنی بەریتانی ئاشكرای كرد دوورخستنەوەی ئەندرێ ڤیلاش بواشی راهێنەری چێڵسی لە پۆستەكەی بڕی 50 ملیۆن پاوەند لەسەر ئەو یانەیە كەوتووە.
رۆژنامەكە لە مانشێتی سەرەكی خۆیدا نووسیویەتی 50 ملیۆن پاوەند و لە وردەكاری هەواڵەكەدا دەڵێ ئەو بڕە پارەیە نرخی فرناندۆ تۆرێسی هێرشبەری یانەكە نییە، بەڵكە ئەوە تێچووی راهێنەرێكە كە تەنیا 6 مانگ پۆستی مەشقدانی یانەكەی بەڕێوەبردووە.
بەپێی رۆژنامەكە یانەی چێڵسی ناچاربووە بڕی 13.3 ملیۆن پاوەند بداتە یانەی پۆرتۆی پورتوگالی بۆ دەستهەڵگرتن لە بواش كە ئەوكات راهێنەری ئەو یانەیە بوو. ئەمە جیا لەوەی لە دوای بڕیاری دەركردنی ئەو راهێنەرە تەمەن 34 ساڵە، یانەكە ناچار بووە بڕی 11 ملیۆن پاوەندی بداتێ، لەگەڵ 13 ملیۆن لە بری گرێبەستكردن لەگەڵیدا و پێدانی مووچەی چوار ساڵی گرێبەستەكەی لەگەڵ ئەو یانەیە كە هەر ساڵێك مووچەكەی 3.5 ملیۆن پاوەند بوو.