ئیبرا: گالیانی منی لە جەهەنەمی بەرشەلۆنە رزگاركرد
ئیبرا دوای راگرتنی بۆ 3 یاری بەهۆی بەكارهێنانی توندوتیژییەوە، لە یاری یانەكەی بەرامبەر پالێرمۆ توانی 3 گۆڵ تۆمار بكات و بەوەش ژمارەی گۆڵەكانی لە وەرزی ئەمساڵدا گەیاندە 18 گۆڵ.
ئیبرا ئاشكرای كرد كە گالیانی لە كاتی دانووستانەكانی لەگەڵ بەرپرسانی بەرشەلۆنە پێی راگەیاندوون بەبێ ئیبرا ناگەڕێمەوە بۆ میلان.
هەروەها گوتی ئەو متمانەیەكی زۆری دامێ و خۆم بە قەرزاری ئەو دەزانم، من زۆر سەرسامی گالیانیم و ئەویش بۆ من هەر وایە.
هێرشبەرە سوێدییەكە دووپاتی كردەوە ئێستا هەست بەئاسوودەییەكی زۆر دەكەم و هەموو شتەكان بە دڵی من بەڕێوەدەچن.
