ئارسن ڤینگەری راهێنەری یانەی ئەرسناڵی ئینگلیزی هیوای خواست تیپەكەی بتوانێ هاوشێوەی ئەو كارەی بەرامبەر لیڤەرپوول كرد، لە بەرامبەر میلانی ئیتاڵیشدا دووپاتی بكاتەوە.
ئەرسناڵ دوێنێ توانی 2-1 لە یانەی لیڤەرپوول بباتەوە و خۆی بۆ رووبەڕووبوونەوەی یانەی میلانی ئیتاڵی ئامادە دەكات كە یاری چوونی لە خولی یانە پاڵەوانەكانی ئەوروپا لە بەرامبەریدا 4-0 دۆڕاندووە.
ڤینگەر گوتی یارییەكەی لیڤەرپوول یارییەكی قورس و زەحمەت بوو، بە تایبەت كە ئێمە لە دەرەوەی یاریگای خۆمان یاریمان دەكرد و لە گێمی یەكەمدا گۆڵێكمان لێكرا، بەڵام سوروبوونی یاریزانەكان لەسەر بردنەوە هەستێكی جوانی لا دروست كردم.
هەروەها گوتی بەر لە رووبەڕووبوونەوەی میلان بردنەوە لە لیڤەرپوول ئاستێكی دەروونیی بەرزمان پێدەبەخشێت و ئەمە وامان لێدەكات بڕوامان بەخۆمان هەبێت كە دەتوانین بۆ قۆناخی داهاتووی خولی یانە پاڵەوانەكانی ئەوروپا سەربكەوین هەرچەندە یاری چوونمان 4-0 دۆڕاندووە.