جیرۆم فالكی ئەمینداری گشتیی یەكێتیی تۆپی پێی نێودەوڵەتی هێرشێكی توندی كردە سەر ئامادەسازییەكانی بەرازیل بۆ میوانداریكردنی مۆندیالی 2014 و گوتی ئەو وڵاتە پێشوەچوونی گەورە لەو كارەدا ناكات و ئەوانەی سەرپەرشتی ئەو كارە دەكەن دەبێ كاری زیاتر بكەن.
فالك وەك هەمیشە رەخنەی گرت و گوتی كات دەڕوات و هیچ پێشوەچوونێك نابینین.
فالك هەروەها گوتی نازانم بۆچی پێشوەچوون روونادات، كاركردن لە یاریگاكاندا بەپێی ئەو پلانەی دانراوە ئەنجام نادرێت و نازانم بۆچی ئەو هەموو دواكەوتنە هەیە.
هەروەها گوتی ترسی زۆر هەیە لەوەی ئەوان هیچ شتێك دروست نەكەن بۆ پێشوازی لەو خەڵكە زۆرەی روو لەو وڵاتە دەكەن، كارەكان بە شێوەیەكی باش بەڕێوەناچن.
هەروەها گوتی بەرازیل دەبێ ئەوەی لەبەرچاو بێت كە هەمیشە پلانی جێگرەوەمان هەیە و دەزانم مۆندیالەكە هەر ئەنجام دەدرێت، بەڵام دەترسم هاندەران دووچاری كێشەی زۆر ببنەوە.