ئارسن ڤینگەری راهێنەری یانەی ئەرسناڵی ئینگلیزی سەرسامی خۆی بە ئاستی تیپەكەی لە یاری بەرامبەر یانەی تۆتنهام هۆتسپێر لە خولی ئینگلیزی دەربڕی كە ئەرسناڵ یارییەكەی بردەوە 5-2 و گوتی كاتی تۆڵەیە لە یانەی میلان.
ڤینگەر خۆشحاڵی خۆی بە یاریكردن و تێكۆشانی تیپەكەی لە یارییەكەی بەرامبەر تۆتنهام دەربڕی بە تایبەت كە یاریزانەكانی توانییان دواكەوتنیان 2-0 بگۆڕن بۆ بردنەوەی گەورەی 2-5 و گوتی ئەوەی وایكرد ئەو كارە بكەین متمانە بەخۆبوونمان بوو بەرامبەر ركابەرەكەمان.
ڤینگەر بردنەوەی گەورەی لە تۆتنهام بە هەل زانی بۆ ئەوەی نامەیەك ئاراستەی یاریزانەكانی بكات و گوتی ئێستا دەتوانین هەمان شت بەرامبەر یانەی میلانیش دووبارە بكەینەوە و 5-0 لێی ببەینەوە.
یانەی ئەرسناڵ لە یاری چوونی قۆناخی 16ی خولی یانە پاڵەوانەكانی ئەوروپا بە ئەنجامی 4-0 بە یانەی میلانی ئیتاڵی دۆڕا و بۆ ئەوەی بۆ قۆناخی داهاتووی پاڵەوانیەتییەكە سەربكەوێت، پێویستە 5-0 لە میلان بباتەوە.