ئەستێرەی بەناوبانگی ئیسپانی ڕائول گۆنزالیز یاریزانی یانەی شالكەی ئەڵمانی لەیاری یانەكەی بەرامبەر یانەی ڤۆلڤسبۆرگ لەهەفتەی 22ی خولی ئەڵمانیا كە بەئەنجامی (4-1) گۆڵ لەبەرژەوەندی شالكە كۆتایی هات گۆڵی یەكەمی تۆمار كرد، ئەم گۆڵە گۆڵێكی تایبەت بوو لەژیانی یاریزان ڕائول، چونكە گۆڵی ژمارە 400 بوو بۆ ڕائول لەمێژووی وەرزشیدا وەك یاریزانێكی پیشەگەر.
رائول لەدوای یارییەكە گوتی : لای من سەركەوتنی تیپەكەم لەدەسكەوتە كەسییەكان گرنگترە، بەڕاستی نەمدەزانی ئەوە گۆڵی ژمارە 400 بوو بۆ من.
گۆڵەكانی ڕائول بەم شێوەیە بووە، 323 گۆڵ لەگەڵ یانەی ڕیال مەدرید كە یەكەم یاری لەڕێكەوتی 29/10/1994 بوو، 44 گۆڵ لەگەڵ هەڵبژاردەی ئیسپانیا، 33 گۆڵ لەگەڵ یانەی شالكە، ڕۆژنامەی ماركای ئیسپانی ستایشی ئاستی یاریزان ڕائولی كرد بەگەیشتنی بۆ گۆڵی ژمارە 400.