یۆب هاینكسی راهێنەری یانەی بایرن میونشنی ئەڵمانی بەراشكاوی بەرپرسیاریەتی خۆی لە دۆڕانی تیپەكەی بەرامبەر یانەی بازڵی سویسری لە یاری چوونی قۆنانی 16ی خولی یانە پاڵەوانەكانی ئەوروپا خستە ئەستۆی خۆی و گوتی بەرپرسم لە دابەزینی ئاستی تیپەكەم لەسەر ئاستی ئەڵمانیا و ئەوروپا.
بایرن میونشن ئێستا لە پلەی سێیەمی ریزبەندی خولی ئەڵمانی دێتت.
هاینكس دانی بەوەدانا كە بایرن میونشن لە یاری بەرامبەر بازڵدا ئاستێكی باشی پێشكەش نەكرد و گوتی ئێستا دۆخێكی ناجێگیرمان هەیە و تۆپی پێیەكی سەقامگیر ناكەین و ئەوەش بووەتە بیانوو بۆ ئەوەی رەخنەی زۆر لە من و تیپەكە بگیرێت و من بەرپرسیاری یەكەمم لەو ئاستە خراپە.
لەبارەی شەڕی نێوان تۆماس مۆلەر و هۆلگەر بادشتۆپەرەوە لە ژووری خۆ گۆڕینی یاریزانان دوای دۆڕانی یانەكە بەرامبەر بازڵ، راهێنەری بایرن میونشن گوتی پیۆیستە بەرژەوەندییە كەسییەكان بخرێنە لاوە و هەموومان بۆ رۆحی تیپەكە یاری بكەین، ئەگەر یەكگرتوو نەبین و ئامانجی هەموومان رۆیشتن بەرەو یەك ئاراستەی دیاریكراو نەبێت، بێگومان زیاتر تووشی سەرلێشێوان دەبین و ئەنجامەكەی بە زیانی هەموومان دەشكێتەوە.