لە چوارچێوەی یارییەکانی هەفتەی 17یەمی قۆناغی یەکەمی خولی بژاردەی عێراقدا بۆ تۆپی پێی، یانەی زاخۆ لە نێو یاریگەی خۆی میوانداری یانەی مەسافی کرد، کە تیاییدا لە سەرەتای یارییەکە تا کۆتایی هەر لە بەرژەوەندی یانەی زاخۆ بوو، کە تیاییدا توانی دڵی جەماوەرەکەی خۆش بکات و بە ئەنجامی (3-سفر) گۆڵ یارییەکە لە بەرژەوەندی خۆی تەواو بکات، گۆڵەکانی یانەی زاخۆ لە رێگەی یاریزانان (ئەمیر سەباح 2 گۆڵ، حوسێن عەلا) تۆمار کرا، بەم ئەنجامە یانەی زاخۆ کۆی خاڵەکانی بۆ 29 خاڵ بەرزکردەوە و لە ریزبەندی پلەی پێنجەمی خولەکە دێت، ئەنجامی یارییەکانی ئەم هەفتە بەمشێوەیە بوو.
هەولێر – تاجی 5-سفر، تەڵەبە – شوڕتە 2-1، زاخۆ – مەسافی 3-سفر، نەفت – نەجەف 1-2، حەدود – کارەبا 1-2، قوە جەوییە – مینا 2-1.