سەرچاوە رۆژنامەوانییەكانی ئیتاڵیا دووپاتیان كردەوە كە یانەی پاریس سانجێرمانی فەرەنسی گرێبەستی لەگەڵ ئەلیكساندەر پاتۆی هێرشبەری بەرازیلیدا مۆركردووە و بەپێی ئەو گرێبەستە هاوینی داهاتوو پەیوەندی بەو یانە فەرەنسییەوە دەكات.
رۆژنامەی كۆریری دیلۆ سپۆرتی ئیتاڵی گوتی یانەی میلان پاتۆی بە یانەی پاریس سانجێرمان فرۆشتووە بە 40 ملیۆن یۆرۆ.
بەپێی ئەو رۆژنامەیە هەردوو یانە چاوەڕێی دەستپێكردنی ماوەی گواستنەوەی هاوینەی داهاتوو دەكەن بۆ راگەیاندنی ئەو دەستەوارەیە.
لە ماوەی گواستنەوەی زستانەی ئەمساڵدا پاتۆ زۆر نزیك بوو لە چوونە ریزی یانە فەرەنسییەكە، بەڵام ئەو یاریزانە مانەوەی خۆی لە دوا ساتەكاندا لە یانەكەی ئاشكرا كرد.
پێشتر كارلۆ ئەنچیلۆتی راهێنەری یانەی پاریس سانجێرمان پاتۆی بە یەك لە ئامانجە سەرەكییەكانی خۆی دەست نیشان كردووە.