یەکێتی تۆپی پێی نێودەوڵەتی بۆ مێژوو وئامار (IFFHS) لیستی باشترین یانەکانی جیهان بۆ مانگی 2 ئاشکرا کرد، کە تیاییدا یانەی هەولێر هاتە پلەی (213) باشترین یانەکانی جیهان بە کۆکردنەوەی (85) خاڵ دوای ئەوەی لە مانگی رابردوو لە پلەی (226)یەم بوو، لەم ریزبەندە یانەی هەولێر تاکە نوێنەری عێراق و کوردستان و لە پێش چەندین یانەی بەناوبانگی جیهان-ییە، لە ریزبەندی ئەم مانگەدا یانەی بەرشلۆنە پارێزگاری لە پێشەنگ کرد بە کۆکردنەوەی (359) خاڵ و یانەی ریال مەدرید لە پلەی دووەم دێت بە کۆکردنەوەی (302) خاڵ، ئەمەش ریزبەندی باشترین پێنج یانەی جیهانە.
1- بەرشلۆنە، 2- ریال مەدرید، 3- فیلزسارسفلید ئەرژنتین، 4- مانچستەر یۆنایتد، 5- مانچستەر سیتی.