لەدرێژەی گەشتەکەیان بۆ وڵاتی پۆڵندا رۆژی پێنجشەممە 16ی شوباتی 2012 سەرۆک و جێگر و ئەندامانی یەکێتی ناوەندی تۆپی پێی کوردستان و وەفدی راهێنەران لەیاریگای (ڤوێسکا پۆڵسکیگۆ) ئامادەیی یاریی نێوان هەردوو یانەی (لیگیا ڤارشاڤا) ی پۆڵندی و (سپۆرتینگ لیشبۆنە) ی پورتوگالی بوون لەقۆناغی 32 ی خولی ئەوروپا (یۆرۆ لیگ) کەساڵانی پێشوو بە (جامی یەکێتی ئەوروپا) دەناسرا، یارییەکە کاتژمێر (؟؟) بەکاتی کوردستان و (؟؟) بەکاتی وارشۆی پایتەختی پۆڵندا دەستیپێکرد، ئامادەبوونی یارییەکە بەلای سەرجەم ئەندامانی وەفدەکەوە رووداوێکی گرنگ و مێژوویی بوو کەلەچەند لایەنێکەوە سوودی هەبوو چ وەک بەسەربردنی کاتێکی خۆش و بینینی چالاکییەکی گەورەی وەرزشیی لەوجۆرە چ وەک ئەزموونێک بۆ بەهێزکردنی توانای راهێنەران بۆ بەڕێوەبردنی تیپەکەیانیان.
یارییەکە لەکەشێکی سارددا بەڕێوەچوو کەنزیکەی 10 پلەی سەدی ژێر سفربوو بەڵام هاندەرانی هەردوو یانە تا دواساتەکان لەهاندانی تیپەکەیان نەدەوەستان و چێژێکی زۆریان بەیارییەکە بەخشیبوو، دوای تێپەڕینی 90 خولەک یارییەکە بە 2 گۆڵ بۆ هەردوولا کۆتاییهات.
هەرژین عوسمان / وارشۆ:
