یانەی برایەتی یاریزانێكی تێنسی سەرمێزی بەتوانای شاری سلێمانی هێنایە یانەكەی بەمەبەستی باشتربوونی ئاستی تیپی تۆپی سەرمێزی یانەی برایەتی لەبەشداری كردنی لەهەردوو خولی عێراق و كوردستان، دەستەی كارگێڕی یانەی برایەتی هەڵسا بەمۆركردنی گرێبەستێك لەگەڵ(هەردی عەلائەدین) پاڵەوانی كوردستان و یاریزانی هەڵبژاردەی عێراق كە دانیشتوی شاری سلێمانیە، بۆئەوەی ببێتە یاریزانی یانەكە لەخولەكانی داهاتوو و پێگەیاندنی چەندین یاریزانی بەتوانا بۆ یانەی برایەتی، ماوەی گرێبەستی نێوان یاریزانی ناوبراو یانەی برایەتی بۆماوەی یەك ساڵە بەبێ ئاشكرا كردنی بڕی گرێبەستی یانەی برایەتی و یاریزانی ناوبراو، لەئێستاشدا یانەی برایەتی ژمارەیەك یاریزانی بەتوانای هێناوەتە ڕیزی یانەكەی بۆئەوەی ئاست و ئەنجامیان پێویست بێت لەخولەكانی داهاتوو. ئەمەش ستافی یاریزانانی یانەكەیە لەداهاتوو. محەمەد سەعدوڵا، هاشم ڕەسوول، هەردی عەلائەدین، شاهین نەجات، یەشار نەجات بەسەرپەرشتی ڕاهێنەر بەشدار سەربەست و سەرپەرشتیاری تیپەكەش قەلەندەر نەسەرەدین دەبێت.
