فیرناندۆ تۆریس یاریزانی هێرشبەری یانەی چێڵسی ئەوەی ئاشكرا كرد كە خۆشترین یادگارییەكانی لەگەڵ یانەی بلوز لەو كاتانە بووە كە لەهێڵی یەدەگی یانە دانیشتووە، تۆریس هۆكارەكەی بۆ ئەوە گەڕاندەوە كە ئەوكات هاوسۆزی جەماوەری بۆخۆی ڕاكێشابوو، چونكە لەهەموو یارییەكدا هاندەران بەوتنەوەی دروشمەوە داوای بەشداریكردنیان دەكرد.
تۆریس لەچەند هەفتەی ڕابردوودا لەپێكهاتەی سەرەكی یانەی چێڵسی یاری دەكات و ئاستێكی بەرز پێشكەش دەكات، بەڵام كێشەی سەرەكی ئەوەیە كە تا ئێستا دوورە لەگۆڵ تۆماركردن، تۆریس ماوەی یەك ساڵە لەگەڵ یانەی بلوز یاری دەكات و بەبڕی 50 ملیۆن پاوەند لەیانەی لیڤەرپول هاتە یانەی چێڵسی كە بەگەورەترین بۆندی سەرنەكەوتوو لەمێژوو لەقەڵەم دراوە.