یاریزانێكی بەریتانی بەرەسەن هیندستانی كە تەمەنی 100 ساڵە توانی ببێتە پاڵەوانی ماراسۆنی هۆنگ كۆنگ بۆ ماوەی 10 كیلۆمەتر، فۆجیا سینگ كە لەدایكبووی 1911یەو پلەی یەكەمی ماراسۆنەكەی بەدەستهێنا دوای ئەوەی ماوەكەی بەكاتی یەك سەعات و و 34 خولەك بڕی و خەڵاتی یەكەمی وەرگرت كە بریتی بوو لە25800 دۆلاری ئەمریكی، سینگ كاتێك گەیشتە هێڵی كۆتایی بەپێكەنینەوە گوتی: كەش و هەوا زۆر گونجاو بوو، تاموچێژم لەڕاكردنەكە وەرگرت.
سینگ ئەم توانایەی بۆ سیستەمی ژیانی تەندروستی خۆی گەڕاندەوە كە سیستەمێكی خۆراكێكی ڕووەكی بەكاردەهێنێت دوور لەجگەرە كێشان و خواردنەوەی كحول، گروپی گێنیس بۆ ژمارە پێوانییەكان ڕازی نەبوو ناوی سینگ وەك گەورەترین ڕاكەری براوەی ماراسۆن تۆماربكات، چونكە ناوبراو نەیتوانی بەڵگەنامەی لەدایكبوونی پێشكەش بكات.
سینگ ئەوەشی ڕاگەیاند كە ئەو یەكەم مرۆڤە لەتەمەنی 100 ساڵیدا توانیویەتی ماراسۆنێكی 42 كیلۆمەتری تەواو بكات كاتێك بەشداری لەماراسۆنی تۆرەنتۆ كرد، لەماراسۆنی هۆنگ كۆنگ 70 هەزار كەس بەشداربوون لەسێ جۆرە ماراسۆن 42 كیلۆمەتر و 21 كیلۆمەتر و 10 كیلۆ مەتر.