رۆژنامەی دەیلی ئیكسپرێسی بەریتانی ڕایگەیاند كریستیانۆ ڕۆنالدۆ ئەستێرەی یانەی ڕیال مەدرید لەكاتی قسەكردنی بۆ هاوڕێیەكی نزیكی خۆی دانی بەوە داناوە بیری یانەی مانچستەر یونایتد دەكات و حەز دەكات جارێكی دیكە لەیاریگای ئۆلدترافۆڵد یاری بكات، كریستیانۆ بیری هاندەرانی یانەی شەیتانە سوورەكان دەكات، هەروەها بیری ڕاهێنەر سێر ئەلێكس فێرگسۆن دەكات كە وەك باوك و ڕێگانیشاندەرێك سەیری دەكات.
پێشتر چەندین ڕاپۆرتی ڕۆژنامەوانی ناوی كریستیانۆ ڕۆنالدۆیان بەگەڕانەوە بۆ یانەی مان یونایتد بەستەوە بەتایبەتی دوای تێكچوونی پێوەندی نێوان خودی یاریزان كریستیانۆ و هاندەرانی یانەی شاهانە، كریستیانۆ بەبڕی 94 ملیۆن یۆرۆ پێش دوو وەرز لەیانەی مان یونایتدەوە وەك گرانترین بۆند لەمێژوودا پێوەندی بەیانەی ڕیال مەدریدەوە كرد.