بەپێی سەرچاوە رۆژنامەوانییەكانی ئینگلتەرا یاریزانانی یانەی چێڵسی رەخنەی توند لە ئەندرێ ڤیلاش بواشی راهێنەری یانەكەیان دەگرن بەهۆی ئەنجامە خراپەكانی یانەكەوە.
رۆژنامەی دەیلی میلی بەریتانی گوتی ئەندرێ ڤیلاش بواشی راهێنەری پورتوگالی یانەی چێڵسی رووبەڕووی هێرشی توندی یاریزانەكانی بووەتەوە دوای دۆڕانی بەرامبەر ئیڤەرتۆن كاتێك دوای یارییەكە كۆبوونەوەی لەگەڵ یاریزانەكانیدا كردووە بۆ لێپێچینەوە لە هۆكاری دۆڕانەكە.
یاریزانانی چێڵسی ئۆباڵی دۆڕانەكەیان خستە پاڵ تەكتیكی بواشی راهێنەر كە پێیاوان وایە پلان و تەكتیكی ئەو راهێنەرە گونجاو نەبووە بۆ ئەو یارییە.
بواش دوای یارییەكە گوتی ئاستی یاریزانان لە یارییەكەدا خراپترین ئاستی تیپەكە بوو لە وەرزی ئەمساڵدا و هەر ئەوەش وای لێكردووە داوای كۆبوونەوەی بە پەلە لە یاریزانەكانی بكات بۆ لێكۆڵینەوە لەو ئاستە خراپە.
دەیلی میل هەروەها ئاشكرای كردووە كە یاریزانانی یانەكە بە هەمان شێوە رەخنەی توندیان لە پیتەر چیكی
گۆڵپارێزی یانەكەیان گرتووە بەهۆی دابەزینی ئاستییەوە لە یارییەكانی رابردووی یانەكەدا.