هەردوو یانەی بەرشەلۆنە و ئەتلەتیك بلباو رێكەوتوون لەسەر ئەوەی یاری كۆتایی جامی شای ئیسپانیا لەسەر یاریگای سانتیاگۆ برنابیۆی تایبەت بە یانەی ریال مەدرید ئەنجام بدەن.
نوێنەرانی هەردوو یانە كە یاری كۆتایی جامی شای ئیسپانیا كۆیان دەكاتەوە، رێكەوتوون لەسەر ئەوەی ئەو یارییە لەسەر یاریگاكەی ریال مەدرید ئەنجام بدەن.
رۆژنامەی سپۆرتی ئیسپانی گوتی یەكێتیی تۆپی پێی ئیسپانیا تا ئێستا بریاری یەكجاری نەداوە و داواكارییەكەی خستووەتە بەردەم یانەی ریال مەدرید بۆ رەزامەندی دان لەسەر ئەو كارە.
بەرپرسانی یانەی ریال مەدرید چەند جارێك دووپاتیان كردووەتەوە بە هیچ شێوەیەك ئامادەنین پێشوازی لە ئەنجامدانی ئەو یارییە لەسەر یاریگای خۆیان بكەن.